| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 56.32 | Dem. 56.35 (English) | >>Dem. 56.39 |
56.34σκοπεῖτε δέ , ὦ ἄνδρες Ἀθηναῖοι , πότερον ἡμεῖς τοῖς ἐκ τῆς συγγραφῆς δικαίοις χρώμεθα ἢ οὗτοι , οἳ οὔτε εἰς τὸ συγκείμενον ἐμπόριον πεπλεύκασιν , ἀλλʼ εἰς Ῥόδον καὶ Αἴγυπτον , σωθείσης τε τῆς νεὼς καὶ οὐ διεφθαρμένης ἄφεσιν οἴονται δεῖν εὑρίσκεσθαι τῶν τόκων παρασυγγεγραφηκότες , καὶ αὐτοὶ μὲν πολλὰ χρήματα εἰργασμένοι παρὰ τὴν σιτηγίαν τὴν εἰς Ῥόδον , τὰ δʼ ἡμέτερα χρήματα ἔχοντες καὶ καρπούμενοι δεύτερον ἔτος τουτί .
56.35καινότατον δʼ ἐστὶ πάντων τὸ γιγνόμενον · τὸ μὲν γὰρ δάνειον τὸ ἀρχαῖον ἀποδιδόασιν ἡμῖν ὡς σεσῳσμένης τῆς νεώς , τοὺς τόκους δʼ ἀποστερῆσαι οἴονται δεῖν ὡς διεφθαρμένης . καίτοι ἡ συγγραφὴ οὐχ ἕτερα μὲν λέγει περὶ τῶν τόκων , ἕτερα δὲ περὶ τοῦ ἀρχαίου δανείσματος ,
56.36ἀλλὰ τὰ δίκαια ταὐτὰ περὶ ἀμφοῖν ἐστιν καὶ ἡ πρᾶξις ἡ αὐτή . ἀνάγνωθι δέ μοι πάλιν τὴν συγγραφήν .ἄνδρες Ἀθηναῖοι , πάνυ ἁπλοῦν ἐστιν διαγνῶναι ὑμῖν ὑπὲρ ταύτης τῆς δίκης , καὶ οὐδὲν δεῖ λόγων πολλῶν . ἡ ναῦς ὅτι μὲν σέσῳσται καὶ ἔστιν σῶς , καὶ παρʼ αὐτῶν τούτων ὁμολογεῖται (οὐ γὰρ ἂν ἀπεδίδοσαν τό τε ἀρχαῖον δάνειον καὶ τῶν τόκων μέρος τι ), οὐ κατακεκόμισται δʼ εἰς τὸν Πειραιᾶ . διὰ τοῦτο ἡμεῖς μὲν οἱ δανείσαντες ἀδικεῖσθαί φαμεν , καὶ ὑπὲρ τούτου δικαζόμεθα , ὅτι οὐ κατέπλευσεν εἰς τὸ συγκείμενον ἐμπόριον .
Συγγραφή...
Ἀθήνηθεν εἰς Αἴγυπτον καὶ ἐξ Αἰγύπτου Ἀθήναζε .
Συγγραφή
56.37
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 56.32 | Dem. 56.35 (English) | >>Dem. 56.39 |
